爱华网我好L憎聖誕節, 出到街見一pair pair人攬頭攬頸, 錫來錫去, 佢地有無顧及我地呢班單身貴族既感受?
今年我又一個人過... 一個人去美心食了個$49蚊既火雞牛排聖誕大餐. 自己一個人咬 住件無味既火鷄肉, 我真係唔知自己點解會咁撚失敗.果一刻真係好想喊出來.
做了廿幾年人, 我從未試過同女朋友一齊食聖誕大餐. 正確來講,係從未拖過女仔隻手, 咀過女仔個咀. 係呀! 我仲係一個處男.
我知我可以去叫雞破處, 但我又唔想將我寶貴既第一次俾了隻雞.乜會有人想將自己既貞操無條件咁奉獻俾一個陌生人咩? 就算要俾, 我唔收返錢都唔應該我俾錢人破處啦.
我唔係無努力過搵女朋友, 十月果時我都試過去speed dating,仲去了香港最出名果間; 記得果日個場都成百人, 雖然有一半係女, 但大部份女都扮晒公主咁, 坐L晒係 sofa 到等d狗公上去溝自己. 自問我都唔係樣衰, d 人仲話我有d 似"唔唱K", 但要我降呢同呢班狗公爭女, 人又點可能跑得快過狗?
又唔係空手以回, 唔知好彩定唔好彩, 俾我遇到Elaine.Elaine生得好靚, 一set 行政套裝, 加埋對黑C真係咪死人. 佢仲主動同我謁計, 問我拎電話. 之後食過幾次飯真係好開心.不過我後來先知佢所謂做"理財顧問" 其實即係做保險. 就係咁, 我就買了我一生第一份保險.
Elaine話供十年左右就有五十萬, 到時有錢就唔怕無女. 都係既,到時買返架Audi 跑車真係唔仇溝唔到女. 仲要捱多9年美心... 希望我仲撐得住.
