爱华网系为人父之前，好多人问我有点样的一种感觉，我答唔上黎，唔会好兴奋，亦都唔会无动于衷，唯一既就系好心急想知道宝宝生成乜野样，似爹地多D呢，定系似妈咪多D，可能唔少人听到会觉得梁宇系冷血既。
世界杯前夕，英格兰足球员朗尼做左老豆，距话当见到BB出世的一刹那，忍唔住感动落泪......一个拳击手出身、五大三粗的肥仔，一个过亿元身价的大牌前锋，被人打的时候唔喊，入左波之后唔喊，捧杯之后更未有见距喊过，但最终不敌自己岩岩出世的仔仔，留底英雄泪！
宝宝妈咪话，陀住BB个阵，每当听到我系卡拉OK唱歌，或者系车上讲野，距就会系肚里面郁身郁势，对我既声音特别敏感，认真系两仔爷！
而就系宝宝发出人生第一声哇叫既时候，护士姐姐急急脚禁推住距比我打一个照面，我轻声叫唤左一句，居然见到宝宝止住哭声，睁开一只眼睛睇住我！距真系认得老豆把声架！呢个时候，我体会到朗尼个种感觉啦！
初生婴儿通常一日训觉成二十几个钟，醒来打开眼睛既时候有限，但宝宝妈咪话，每次宝宝醒来既时候，通常都系我讲野的时候，“那，你睇睇，距又望著你啦。”果然，距疲倦唔够训的眼珠仔，左右摇摆，始终追踪住我出声既方向......仔仔，你叫老豆我情何以堪呢？
初为人父，方才体会到父亲既真实心情，实在系几有经验既人都无办法预估。已故《外来媳妇本地郎》演员郭昶兄，听讲以前对细路仔一般般，但当距真正成为父亲既时候，实在系比朗尼更加朗尼，可以用“父爱泛滥”黎形容，锡到个女女浓晒！
呢个真系一种奇妙既人生体验。
我系呢个世界上三十几年，唯一觉得愿意一走了之既时候，系有一次系梦中：翻到我儿时住的旧屋，七十二家房客个种，系阳台边上，我听到左一大班细路仔的欢歌笑语，然后见到距地系禁围住我转，围住我玩游戏，系个一刻，我有一种讲唔出既畅快感觉，身心舒坦，更愿意长留系个度，唔想再翻到人间。
而家，我经常重拾呢种感觉，实在系宝宝带比我既！所以，我而家都变左朗尼啦。
多谢老婆将宝宝带来人间，多谢家人无私既支持，多谢各位朋友既真诚祝福，不过，人既欲望实在系难满足既，如果老婆你下次顺便再带多个女宝宝比我，禁就.......哈哈哈哈！
