爱华网好耐无用粤语写过嘢，但系最近惊闻我一向敬仰嘅TVB体育主播伍晃荣先生逝世，始终觉得应该写返篇“同声同气”嘅文章纪念巨老人家，因为只有巨，令我感到原来新闻可以如此生动，比赛可以如此轻松。
我细细个开始就系TVB嘅忠实拥趸，对TVB嘅感情系其他电视台无法可比。从略懂世事开始，TVB新闻一直系我资信节目嘅首选，无他，只因巨有着国内新闻媒体所缺乏的独立、客观、全面、不带任何政治宣传色彩，大个佐之后对比起国内媒体，更觉得里D品质真系弥足珍贵。由于TVB新闻作为一个综合新闻，体育相对于国际政经事件比重较轻，所以都被安排系新闻最后短短几分钟，于是乎，每晚六点五十分左右，我就可以见到一个国字面型嘅肥伯伯有小小漏风甘帮比赛片段“配音”。依家回忆返都想笑，特别系龙门“柯蛋”、球员摆乌龙、十二码打飞、罗红牌落场，球员嘅尴尬无助、对手嘅幸灾乐祸、旁观者嘅于心不忍，系肥伯伯现场配音烘托下达到一个无以复加嘅极致状态，见到一个如此不幸嘅场面，两相比较，生活中的种种不快即刻卸去一半，幸福感速增。这位神奇嘅肥伯伯，就系伍晃荣。
当日嘅肥伯伯满头青丝到后来嘅两鬓斑白再到退居幕后，接班人伍家谦秉承了他的风格，但还是让我这个念旧嘅人若有所失。如今伍晃荣先生已经蒙主召唤，愿他为那个世界嘅人带来欢乐。他曾经讲过：“讲波我就唔识讲啦，不过场波完佐我就识讲”，依家，巨场波已经踢完，却无人可以帮巨讲返。
谨以此文悼念尊敬嘅伍晃荣先生（1940年6月24日－2008年4月17日）
伍晃荣金句：波系圆既
守门员最好既朋友就系两条门柱
有乜野比送大礼更好?就系送两个大礼
无线电视记者伍晃荣报道
伍晃荣经典一刻：
1、有次舒麦加表代明星队踢国际友谊赛/表演赛时,射咗球无力慨波跶Q,伍晃荣就话:「你都系返去揸车啦..」
2、有次影到基斯普系练习时煲粥伍晃荣就扮佢话:「信我啦,五球,我地会赢五球..」费高生日的时候入波,
3、伍晃荣:「费高,生日快乐..」
4、好耐之前有次巴西联赛,个右闸喺度插花玩嘢,点知俾人偷咗个波,仲俾人射入埋,伍晃荣话:「反(玩)啦,反(玩)啦,反(玩)死啦」
5、有场比赛有连续两次乌龙球...伍晃荣:「有乜嘢比送一个大礼更好?就系送两个大礼..」
6、有次唔知阿根廷D联赛最尾个场...唔知边队好似出D后备...佢就话:「留力黎做乜?留力下季唔得呀?」
7、有次球波两三码飞机,伍晃荣就话...「拿~~~你睇下,某某球员而家表演唔入仲难过入!」
8、有次唔记得边度嘅联赛,伍晃荣话:「有个罚球系右路偏左,唔系唔系,系右路偏右至啱...」差唔多到边线位置,跟住一射入咗,我谂大约四十码左右,佢话:「大家落足眼力去睇喇!!皮球好似有生命慨怪物咁飞入网窝,可怜慨守门员连波皮都掂唔到..」
9、“通常乌龙波都系靓波。”
10、“葡萄牙个×××想笠过龙门李云在，点知连条横眉都笠过埋...”（02世界杯葡萄牙vs韩国）
11、“千祈唔好以为呢场波好紧张，系我讲得紧张咋！”（02世界杯克罗地亚vs墨西哥）
12、“碧咸式射球，笑大人个口。”（形容米赫洛域嘅罚球）
13、D球员输咗波系度捂晒面,训系地下,佢会话「哎呀,唔得咪下次啰,傻猪黎嘅」
14、阿积士后卫被对方前锋推跌，飞燕诺前锋随即射门入网，阿积士后卫同裁判理论，伍晃荣即时配音
——后卫：巨推我啊，推我先入波嘎！
球证：教精你啦，禁区里面推人系合法嘎！
后卫：距双手推我嘎！（后卫边理论边做手势）
球证：推人就梗系用双手嘎啦！
15、车路士vs列斯联（马迪奥面对自摆乌龙跪地不起）
伍晃荣：“起身啦，唔错都错左咯！”
去往论坛浏览此文章，参与讨论
